ඇයගේ දක්ෂතාවය නිසා ඇය 1967 "සැවෙජ්ර්ස්" යන කණ්ඩායමට එකතු වී වියට්නාමයට ගායනය සඳහා ගියාය. රාජ් සෙනෙවිරත්න, කැල්වින්, එවර්න් සහ බර්ට්රම් ඩැනියෙල් සමඟ ඇය මෙම කණඩායම නියෝජනය කළ අතර ඒ වන විට ලංකාවෙන් විදේශීය රටකට ගායනය සඳහා ගිය පළමු සංගීත කණ්ඩායම ඔවුන් විය. අත්දැකීම් සහිතව නැවත ලංකාවට පැමිණි ඇය Spit Fires යන සංගීත කණ්ඩායමට එකතු විය. ඇයගේ යොවුන් හඬ අනුකරණයෙන් මිදී තමාට අවේණික වූ ශෛලියට  බටහිර ගීත ගායනා කිරීමට පසුබට නොවීය. ඇයගේ දක්ෂතා ශ්‍රී ලංකාවට පමණක් සීමා නොවිය. 1975 වසරේ ඇය ජර්මනයේ දී  ඇයගේ ස්වනිර්මාණ E.P තැටියක් නිකුත් කරන ලදී. ඉංග්‍රීසි ගීත 2ක් සහ ජර්මානු භාෂාවෙන් ගීත දෙකක් පටිගත කළාය. "Stranger boy with a little love" ඇතුළු මෙම ගීත ශ්‍රී ලංකික ගායිකාවක ජර්මනියේ කරන ලද පළමු ගීත 04 විය. නැවත ලංකාවට පැමිණි ඇය "ඇමසිං ග්‍රේස්" සංගීත කණ්ඩායමට එකතු විය. 

1978 යුගයේ ඇයට මුණ ගැසුණු ක්ලැරන්ස් විජේවර්ධන ඇයට අපුරු යෝජනාවක් කරන ලදී. ඒ බටහිර ගීතයට පමණක් සීමාවූ ඇයගේ හඬ සිංහල ගීත ගායනයට යොමු කිරීමටය. ඔබ මා සතු වෙයි කියා, අප දෙදෙනා, ඔබ හා සැමදා, චුඩා මාණිකේ යන ගීත ඇය  තැටි ගත කලාය. "අප දෙදෙනා පමණක් ලොව තනිවී "ගීතය ඇය ක්ලැරන්ස් විජේවර්ධන සමග ගායනා කරන ලදී. ඇය බර්ගර් ජාතික කාන්තාවක් වූ නිසා ඇයට පිහිටියේ  බටහිර උච්චාරණ ශෛලියකි. එම ශෛලිය නිසාම රසිකයන් හටමෙම ගීත තුළ විශේෂත්වයක් දැනිණි.