ශ්‍රී ලංකා සංගීත ලොවේ ගීත කෝකිලාවිය වූ සුජාතා අත්තනායක 1942 මැයි 12 වන දින උපත ලැබූ අතර ඇයගේ මව එකල ජනප්‍රිය ටවර් හෝල් කලා ශිල්පිනියක වූ විමලා කාන්තාය. කුඩා කළ සිටම ගායනයට දක්ෂතාවයක් දැක්වූ සුජාතා අත්තනායක කැලණියේ වෙදමුල්ල විදුහල් මාතාවගෙන් අධ්‍යාපනය හදාරන්න්නට පය එසවූයේ 1947 වසරේය. දක්ෂතාවලින් පිරිපුන් තම නැගණිය වූ රංජනී පෙරේරා සමඟ රඟමින් පාසලේදී එකල ගායනා කළ ගීත කාගේත් පැසසුමට ලක්විය. 1950 යුගයේ ඇයට ගුවන් විදුලියේ ගායනයට දොරගුලු විවර විය. සිසිර කුමාර මැණික් ආරච්චි රචනා කළ  ඒ.ජේ.කරිම් සංගීතවත් කළ මල් සේ දිලේවා ගීතය ඇය ගායනා කළාය. එය ඇයගේ මුල්ම ගීතයයි. ගුවන් විදුලියේ සරල ගීත වැඩසටහනකට සාධු දන්ත දා ගීතය ගායනා කළ පසු ඇයගේ හඬ රිදී තිරය ඔප කිරීමට සමත් බව දැනගත් සංගීත අධ්‍යක්ෂකවරයෙකු වූ ආර්. මුත්තුසාමි මහතා සහ ඩබ්.බෙන්ඩික් ප්‍රනාන්දු මහතා ඇය සොයාවිත්1956  සොහොයුරෝ චිත්‍රපටියට    සුරතල් මගේ මුව පැටියා ගීතය ගායනා කිරීමට ඇය තෝරා ගත්තෝය. ඉන් පසුව 1960 දී වනමල, 1961 දී වැදී බිම, 1962 දී සංසාරේ, ඇතුළු දිගින් දිගටම චිත්‍රපට පසුබිම් ගීත ගායනා කළාය. 1965 වසරේ ඇය යටගිය දවස චිත්‍රපටියේ ගායනා කළ "දුක එන කළ" ගීතයට හොඳටම පසුබිම් ගායිකාව ලෙස  සම්මානය ද ලැබිය. 1966 වසරේ ඇය පරසතු මල් චිත්‍රපටියේ අනුලා කරුණාතිලක වෙනුවෙන් පසුබිම් ගායනය මුසු කළ "පරවුණු මල්වල" ගීතයට ස්වර්ණ සංඛ සම්මානය සහ සරසවි සම්මානයෙන්ද පිදුම් ලැබිය. සරසවි සම්මාන උළෙලේ හොඳම සංගීත අධ්‍යකෂණයට සම්මානයක් නොතිබුණු හෙයින් හොඳම ගායනයට හිමි වූ සම්මානය ගැනීම ඇය ප්‍රතික්ෂේප කළේ සංගීතමය ප්‍රතිපත්ති ආරක්ෂා කරමිනි. මෙහි පදරචනය මහගම සේකරයන් වූ අතර සංගීතය ලයනල් අල්ගම විසිනි. 1967 වසරේ එය නවරත්න අත්තනායක සමඟ විවාහ විය.