සංගීතමය පවුලකින් සංගීත ලොවට පිවිසි ශයමි ෆොන්සේකා රත්නම් දක්ෂ පියානෝ වාදන ශිල්පියනියකි. ෆ්ලැසිඩස් ෆොන්සේකා නම් වූ ඇගේ පියා දක්ෂ සංගීත ශිල්පියෙකු වූ නිසා සිය පවූලේ රොවාන්, මාෂියා, යැස්මින් සහ යොහාන් යන සහෝදර සහෝදරියන් සමඟ සංගීතමය පරිසරයක් ඔවුන් වටා විය. කිතුණුවෙකු වූ ඇය දෙව් මැඳුරේ ගායනා කිරීමෙන් ඇයගේ ගායනයට අවශ්‍ය පසු බිම සකස් කර ගත්තාය. එය ඇයට මහත් අත් වැලක් විය. ඇයගේ ගායන දක්ෂතා දුටු බොහෝදෙනා ඇයට ගායනයට ආරාධනා කළ අතර අර්ල් ආනෝල්ඩා මහතා විසින් ඇයව දිරිගැන්වීමෙන් පසුව, එකල බටහිර සංගීත කණ්ඩායමක් වූ එක්ස්පෙරිමන්ට් සංගීත කණ්ඩායම සමඟ බටහිර ගී ගායනයට අවස්ථාව උදා වුයේ 1977 වසරේදීය. එදින ඇය ඔවුන් සමඟ ගායනා කළේ ආරාධිත ගායිකාවක ලෙසිනි. ඔලිවියා නිවුටන් ජෝන්ස්, පුසී කැට්ස්, ඈබා, කාපෙන්ටර්ස්, යන බටහිර ගායිකාවන්ගේ සහ කණ්ඩායම්වල ගීත තමන්ගේම ගායන ශෛලිය සහ සැසදෙන අයුරින් ඇය ගයනා කරන ලදී.